Hewlêr (Rûdaw) - Wezîrê Parastinê yê Amerîkayê Pete Hegseth, li ser îhtimala vekişîna hêzên wan ji Sûriye û Rojavayê Kurdistanê ragihand ku ew li Pentagonê tenê planan datînin û Trump bi liberçavgirtina "berjewendiyên stratejîk" biryarên bi vî rengî dide.
Wezîrê Parastinê yê Amerîkayê Pete Hegset roja Înê li Pentagonê pêşwaziya Wezîrê Parastinê yê Awistralyayê Richard Marles kir.
Di dema pêşwazîklirinê de Hegseth bersiva pirsên li ser îhtimala vekişîna hêzên Amerîkayê ji Sûriyeû Rojavayê Kurdistanê da.
"Trump di biryarên ji bo Rojhilata Navîn de berjewendiyên Amerîkayê li ber çavan digire"
Hegseth li ser vê mijarê got, "Derbarê wan biryarên ku taybet in bi Rojhilata Navîn, ew biryar in ku ji aliyê Serokê Amerîkayê ve tên dayîn bi liberçavgirtina hemû berjewendiyên me yên stratejîk."
Her wiha Wezîrê Parastinê yê Amerîkayê got, "Tiştê ku em li Pentagonê dikin ew e ku em planan ji bo tiştan datînin.
Em ji bo hemû îhtimalan planan datînin, êdî bi çi awayî be jî; lê di dawiyê de, em pêşiya xwe dibînin eger em biryar bidin an ragihînin ku armancên me di demên kurt, navîn û dirêj de çi ne."
Hefteya borî, du berpirsên Wezareta Parastinê ya Amerîkayê ji medyaya welatê xwe re ragihandin ku Donald Trump û çend berpirsên nêzîkî wî daxwaza xwe ya ji bo vekişîna hêzên Amerîkayê ji Sûriye û Rojavayê Kurdistanê diyar kirine.
Ev jî piştî wan nûçeyan hat ku medyaya Îsraîl û Tirkiyeyê belav kir ku Amerîka dixwaze hêzên xwe ji Sûriye û Rojavayê Kurdistanê vekişîne.
30ê Kanûna Paşîn a 2025an Trump li Koşka Spî li ser vekişandina hêzên xwe ji Sûriye û Rojavayê Kurdistanê gotibû "Ez nizanim çavkaniya vê nûçeyê kî ye."
Her wiha ragihandibû ku dê biryarekê li ser çarenûsa hêzên xwe yênli Sûriyeyê bidin ku bimînin yan na.
Di destpêka sala 2019an de, îdareya wê demê ya Amerîkayê têkçûna DAIŞê ragihand û hejmara leşkerên Amerîkayê ji 2 hezar leşkerî daxistibû 900 leşkerî.
Kanûna Pêşîn a 2024an, Wezareta Parastinê ya Amerîkayê ragihand ku wekî beşek ji operasyonên li dijî DAIŞê, hejmara leşkerên xwe yên li Sûriyeyê zêde kiriye û bûye 2 hezar leşker.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse