Li Almanyayê êrişa bi çekê: 2 kes hatin kuştin

Hewlêr (Rûdaw) - Li eyaleta Baden-Wurttembergê ya Almanyayê di êrişeke bi çekê de 2 kes hatin kuştin.

Li gorî polîsê Heilbronnê, li bajarê Bad Friedrichshallê yê eyaleta Baden-Wurttembergê doh êvarê kesekî birûpoş li avahiya kompanyayekê gule li xelkê reşandin.

Di encamê de 2 kes hatin kuştin û kesek jî bi giranî birîndar bû.

Piştî êrişê êrişkarê 52 salî ku di heman demê de karkerê wê kompanyayê bûye ji cihê bûyerê reviya.

Hat ragihandin ku di encama xebatên polîsan de êrişkar li bajarê Seckachê hatiye girtin.

Derbarê bûyerê lêpirsîna polîsan berdewam dike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger