Li Almanyayê xwepêşanderekî Kurd birîndar bû

Dusselldorf (Rûdaw)- Li bajarê Kielê yê Almanyayê di xwepêşandana bibîranîna serkeftina Kobaniyê ya li dijî DAIŞê de pevçûn derket.

Piştî xwepêşandanê çend kesan êrişî xwepêşanderan kir û di encamê de xwepêşanderekî bi navê Mihemed Orhan birîndar bû.

Di medyayê de hate belavkirin ku Mihemed Orhan canê xwe ji dest daye lê li gorî agahiyên ku Ofîsa Ewropayê ya Rûdawê bi dest xistine, Mihemedê 28 salî zindî ye û niha li Nexweşxaneya Kielê ye.

Hevalekî Mihemed ê ku beşdarî xwepêşandanê bûbû ji Rûdawê re ragihand ku rewşa tenduristiya hevalê wî baş e lê hîn jî li nexweşxaneyê tedawiya wî berdewam dike.

Li gorî agahiyan, li ser daxwaza parêzerê xwepêşanderên Kurd, xwepêşanderan ti daxuyanî bi navê xwe ji bo medyayê nedane. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger