Hewlêr (Rûdaw) -Diyarbekirsporê li deplasmanê Bursaspor 2-0 têk bir. Lîstikvanên Bursasporê di nav stadyûmê de êrişî listikvanên Diyarbekirsporê kir.
Diyarbekirspor û Bursaspora ku di Koma Spî ya Lîga 2yemîn a TFFyê de ne, li stadyûma Bursayê hatin hemberî hev.
Diyarbekirsporê bi golên Yasîn Dulger (di xuleka 25emîn de) û Bunyamîn Yurur (di xuleka 85emîn de) li deplasmanê Bursaspor 2-0 têk bir.
Di xuleka 89emîn de di navbera lîstikvanan de nîqaş derket.
Piştî niqaşê hekemê maçê Burak Taşkinsoy ji karta duyem a zer karta sor da lîstikvanê Bursasporê Çagatay Yilmaz.
Li ser vê yekê alozî gurtir bûn û alîgirên Bursasporê jî ji trîbûnan made avêtin qadê û futbolîstên Bursasporê êrişî futbolîstên Amedsporê kir.
Li aliyê din polîsan ji bo ku temaşevan nekevin qadê tedbîr girtin.
Piştî pevçûnên di qadê de hekem karta sor nîşanî 6 futbolîstên her du tîman da.
Di dema êrişê de hinek futbolîstên Diyarbekirsporê ji qadê derketin û çûn odeya cilguhestinê.
Piştî ku ev lîstikvan vegeriyan qadê maçê ji cihê ku mabû dest pê kir û hakem piştî demeke kurt lîstik bi dawî kir.
Futbolîstên ku karta sor wergirtin ev in:
Ji tîma Bursasporê Çagatay Yilmaz, Bilal Guney û ji Diyarbekirsporê jî Bunyamîn Yurir, Cem Çelîk û Serhat Çalişan.
Bursasporê vê carê êrişî Diyarbekirsporê kir
— RudawKurdi (@RudawKurdi) December 20, 2023
Futbolîstên Bursasporê, piştî golê êrişî futbolîst û endamên Diyarbekirsporê kir #kurd pic.twitter.com/NbSIieY51s
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse