Hewlêr (Rûdaw) - Li Tirkiye û Bakurê Kurdistanê pirsgirêka kêmasiya bijîşkan her roj mezintir dibe û di gelek beşan de bijîşkên pêwîst nayên peydakirin.
Wezareta Tenduristiyê ya Tirkiyeyê, îsal ji bo damezrandina bijîşkan di beşên cuda de 19 hezar û 252 kontenjan eşkere kirin lê tenê 6 hezar û 792 bijîşk hatin tayînkirin.
Li Tirkiyeyê hejmara pizîşkên ku koça derveyî welat dikin her diçe zêde dibe û ev jî li nav welat dibe sedema kêmasiya bijîşkan.
2 hezar û 285 bijîşkan xwestiye ji Tirkiyeyê biçin
Li gorî amarên Yekitiya Bijîşkên Tirk (TTB), di 9 mehên destpêkê yên îsal de 2 hezar û 285 bijîşkan ji bo biçin derveyî welat bixebitin “Belgeya Rewşa Baş” wergirtiye.
Piraniya kontenjana tayîna duyem a Wezareta Tenduristiyê ya Tirkiyeyê ku ji bo wergirtina 2 hezar û 739 bijîşkan pispor bû vala ma.
Bijîşk nehatin peydakirin
Tenê 774 bijîşk hatin damezrandin û di serî de beşa zarokan li 22 beşên cuda bijîşkên pêwîst nehatin peydakirin.
Di beşa nexweşiyên sing ên zarokan û neştergeriya tiliyan de bijîşkekî tenê jî nehat peydakirin.
Pirsgirêka herî mezin jî li bajarên Bakurê Kurdistanê ye.
Nexweş nayên dermankirin
Li Rihayê ji ber nebûna bijîşkê “guh-poz-qirikê” nexweşxane nikarin nexweşên vê beşê derman bikin.
Ji bo parêzgeha Semsûrê jî 114 kontenjan hatibûn veqetandin lê bijîşkekî tenê jî Semsûr hilnebijart û hemû kontenjan vala man.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse