Hewlêr (Rûdaw) - Wezîrê Karên Derve yê Tirkiyeyê li ser pirsa derbarê rewşa li Helebê de got, ew beşdarî şer nebûne û tedbîrên pêwîst hatine standin.
Wezîrê Karên Derve yê Tirkiyeyê Hakan Fîdan li Foruma TRT Worldê gotarek pêşkeş kir.
Hakan Fîdan li ser rewşa dawî ya li Helebê diyar kir ku Tirkiye beşdarî şerê li wê derê nebûye.
Fîdan da zanîn ku ew nakevin nav hewleke ku pêleke nû ya koçberan ber bi welatê wan ve bîne.
Wezîrê Karên Derve yê Tirkiyeyê Hakan Fîdan amaje bi wê yekê jî daye ku li sînorê di navbera Tirkiye û Sûriyeyê de wan tedbîrên pêwîst standine û Tirkiye dixwaze di çareserkirina pirsgirêkên herêmê de roleke avaker bilîze.
Fîdan di axaftina xwe de bal kişand ser çekdariya li Rojhilata Navîn û Asya Pasîfîkê û diyar kir ku ev rewş dikare cîhanê ber bi şerekî nukleerî ve bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse