Hewlêr (Rûdaw) – Li gor encamên ku Desteya Bilind a Hilbijartinên Tirkiyê (YSK) ragihandine, berbijêrê Hevpeymaniya Cumhur Recep Tayyip Erdogan li 4 navçeyan zêdetirî ji %90î dengan bi dest xistiye.
Duh gera duyem a hilbijartina serokkomariya Tirkiyê hat lidarxistin ku rikeberî di navbera berbijêrê Hevpeymaniya Millet Kemal Kiliçdaroglu û berbijêrê Hevpeymaniya Cumhur Recep Tayyip Erdogan de bû.
Encamên nefermî yên gera duyem a hilbijartina serokkomariyê hatin eşkerekirin. Li gor encamên ku YSKê belav kirine, berbijêrê Hevpeymaniya Cumhur Recep Tayyip Erdogan di hilbijartina duh de ji sedî 52,16ê dengan wergirtiye û wek Serokkomarê Tirkiyê hat hilbijartin.
Li gor amarên YSK, Erdogan li 4 navçeyan zêdetir ji sedî 90ê dengan misoger kiriye.
Parêzgeh û navçeyên ku Erdogan herî zêde li wan deran deng bi dest xistine, hatin aşkerekirin.
Di hilbijartina duh 28ê Gulanê de, Erdogan li 4 navçeyên ser bi parêzgehên Sêwas, Çankirî, Bolu û Trabzonê dengên herî zêde wergirtine û zêdetir ji %90ê dengan bi dest xistiye.
Li gor zanyariyan, ev çar navçeyên ku Erdogan herî zêde lê deng wergirtine, wiha ne:
Li parêzgeha Çankiriyê navçeya Yapraklî (%90,32)
Li parêzgeha Boluyê navçeya Dortdîvanê (%90,16)
Li parêzgeha Sêwasê navçeya Wêranşarê (%92,63)
Li parêzgeha Trabzonê navçeya Hayratê (90,66)
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse