Derbarê Baroya Stenbolê ​bi hinceta 'terorê' fezleke hat amadekirin

Hewlêr (Rûdaw) - Serdozgeriya Komarî ya Stenbolê li dijî Serokê Baroya Stenbolê Îbrahîm Kaboglu û 10 endamên birêvebir bi tohmeta  "propagandaya terorê û belavkirina agahiyên ne rast" fezleke amade kir.

Baroya Stenbolê 21ê Kanûna Pêşîn a 2024an li ser kuştina rojnamegerên Kurd Cîhan Bîlgîn û Nazim Daştan ên li Rojavayê Kurdistanê daxûyaniyeke bi navê “Pêwîst e Hiqûqa Mirovî a Navdewletî bê cîbicîkirin” belav kiribû.

Di fezlekeyê de ev daxûyanî wekî hincet hatiye diyarkirin û serok û 10 endamên baroyê bi "propagandeya terorê û belavkirina agahiyên ne rast" tên tohmetbarkirin û ji bo wan 3 heta 12 sal cezayê girtîgehê hatiye xwestin.

Serdozgeriya Komarî a Stenbolê bi daxwaza lêpirsînê fezleke amade kiriye û fezleke ji Serdozgeriya Komarê ya Bakirkoyê re hatiye şandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger