Hewlêr (Rûdaw) - Encûmena Ewlehiya Kar û Tendirustiya Karkeran (İSİG) ragihand ku Cotmeha 2021ê li seranserê Tirkiye û Bakurê Kurdistanê herî kêm 165 karkeran di dema kar de canê xwe ji dest dane.
Encûmena Ewlehiya Kar û Tendirustiya Karekeran (İSİG) raporta xwe ya derbarê Cotmeha 2021ê belav kir.
Li gor amarên raportê di 10 mehên sala 2021ê de li Tirkiye û Bakurê Kurdistanê herî kêm hezar û 853 karkeran di dema kar de canê xwe ji dest dane.
Di raportê de tê gotin ku mirinên di dema kar de herî zêde di sektorên înşaat, bazirganî û çandiniyê de çêbûne û bandora pandemiyê jî li ser wendahiyan hebûye.
Li gor raportê ji 165 karkerên ku canê xwe ji dest dane ji wan 145 kesan bo kesekî din û 20 ji wan jî di karê xwe de kar dikirin. Herwiha ji wan 16 jin û 5 koçber û 2 jî zarok in.
Li gor amaran parêzgehên herî zêde mirin lê çêbûne wek Stenbol, Kocaeli û Antalya hatiye rêzkirin.
Berî demekê Encûmena Ewlehiya Kar û Tendirustiya Karekeran (İSİG) di rapora xwe ya derbarê mirina karekeran de ragihand bû ku di 19 salên destihilata AK Partiyê de li seranserê Tirkiye û Bakurê Kurdistanê herî kêm 28 hezar 380 karkeran di dema kar de canê xwe ji dest dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse