Hewlêr (Rûdaw) - Li parêzgeha Çanakkale ya Tirkiyê polîsan bi ser malan de girtin û di encam de bi hinceta "propagandaya PKKyê" 3 kes hatin desteserkirin.
Li gorî daxuyaniya Rêvebiriya Ewlehiyê ya Çanakkaleyê bi hinceta ku 3 kesan li ser medyaya civakî "propagandaya PKKyê" kiriye û ji bo girtina operasyon hatiye kirin.
Di encama operasyonê de 3 kesên bi navê Azat Kaya, Sergen Sucu û Baran Altay hatine desteserkirin.
Her wiha hat ragihandin ku hêzên ewlehiyê kesên hatine desteserkirin birine Rêveberiya Ewlehiyê ya Çanakkaleyê û kar û barên yasayî berdewam e.
Li aliyê din, doh li parêzgeha Agiriyê jî welatiyekî bi navê Adem Purnek bi heman hincetê hatibû desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse