Hewlêr (Rûdaw) - Serokatiya Trafîkê ya Rêveberiya Giştî ya Ewlehiyê ya Tirkiyeyê, amarên bûyerên trafîkê yên 10 mehên sala 2023yan eşkere kirin.
Tenê meha Îlonê li Tirkiye û Bakurê Kurdistanê 49 hezar û 201 bûyerên trafîkê çêbûne.
Di wan bûyeran de 272 kesan li cihê bûyerê canê xwe ji dest daye.
Di 10 mehên 2023yan de li tevahiya Tirkiye û Bakurê Kurdistanê 461 hezar û 10 bûyerên trafîkê çêbûne.
Li gorî amarên fermî, di wan bûyeran de 2 hezar û 525 kesan li cihê bûyerê canê xwe ji dest daye.
Herwiha 300 hezar û 281 kes jî birîndar bûne û bo nexweşxaneyan hatine veguhestin.
Li gorî daxuyaniyên Wezareta Karên Navxwe ya Tirkiyeyê, di wan 10 mehan de 210 hezar û 452 bûyer ji wan ji ber xemsarî û şaşiyên şofêran çêbûne.
Herwiha 21 hezar û 97 bûyer ji ber peyayan, 2 hezar û 780 bûyer ji ber kêmasiyên di otomobîlan de, 759 bûyer ji ber pirsgirêkên rêyan çêbûne û hezar û 530 bûyer jî rêwî bûne sedem.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse