Hewlêr (Rûdaw) - Li Tirkiye û Bakurê Kurdistanê, di 8 rojên betlaneya cejnê de 4 hezar û 998 qezayên trafîkê çêbûne û 66 kesan canê xwe ji dest daye.
Li Tirkiye û Bakurê Kurdistanê 9 roj betlaneya fermî ya Cejna Remezanê hat ragihandin.
Piraniya welatiyan ji bo ku cejnê bi xizmên xwe yên li bajarên din re derbas bikin ketin ser rêyan û hinek ji wan di rê de bi otomobîlên xwe qeza kirin.
Wezîrê Karên Navxwe yê Tirkiyeyê Alî Yerlîkaya îro li ser hesabê xwe yê Xê bîlançoya qezayên trafîkê yên 8 rojên betlaneya cejnê eşkere kir.
Yerlîkaya da zanîn ku di 8 rojên betlaneya cejnê de 4 hezar û 998 qezayên trafîkê çêbûne.
Li gorî amarên hatine belavkirin, di encama wan qezayan de 66 kesan canê xwe ji dest daye û 8 hezar û 352 kes jî birîndar bûne.
Wezîrê Karên Navxwe yê Tirkiyeyê Alî Yerlîkaya herwiha got:
“Di roja 8emîn a betlaneya cejnê de 628 bûyerên trafîkê çêbûn.
382 hezar û 467 otomobîl hatine kontrolkirin.
Li 25 hezar û 215 otomobîlan cezayê lez û radarê û li 34 hezar û 407 otomobîlan jî cezayên cur bi cur hatine birîn.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse