Hewlêr (Rûdaw) - Li 21 bajarên Tirkiye û Bakurê Kurdistanê di operasyona madeyên hişbir de 148 kes hatin desteserkirin.
Wezîrê Navxwe yê Tirkiyeyê Alî Yerlîkaya li ser hesabê xwe yê tora civakî anî ziman:
“Li Stenbol, Bursa, Sêwaz, Bolu, Mereş, Osmaniye, Îdir, Uşak, Mugla, Amed, Antalya, Aydin, Wan, Çanakkale, Denîzlî, Mersîn, Sakarya, Balikesîr, Trabzon, Çewlig û Dîlokê operasyonên madeyên hişbir hatine kirin.”
Alî Yerlîkaya destnîşan kir ku operasyona li 21 bajaran ji aliyê tîmên rêveberiyên ewlehiyê yên Stenbol û Agiriyê ve hatine kirin.
Yerlîkaya diyar kir ku di wan operasyonan de 148 kes hatine desteserkirin.
Di operasyonan de li 21 bajaran dest bi ser zêdetirî tonek madeyên hişbir û hejmarek hebên hişbir de hat girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse