Hewlêr (Rûdaw) – Platforma “Emê Tawanên Dijî Jinan Rawestînin”, raportek derbarê tundûdîjiya li dijî jinan li seranserî Tirkiyê û Bakurê Kurdistanê belav kiriye û ragihandiye, tenê di meha bihorî de 17 jin hatine kuştin û 20 jinên din jî bi awayekî berguman jiyana xwe ji dest dane. Herwiha di pênc mehên bihorî de jî 112 jin hatine kuştin.
Li gorî ragihandina wê platformê, 2 ji wan jinan bi destê kurên xwe hatine kuştin, yek ji aliyê xizmekî xwe ve , 7 jin bi destê hevjînên xwe, yek ji aliyê hezkiriyê xwe ve û 6 jin jî ji aliyê bavên xwe ve hatine kuştin.
Platforma Emê Tawanên Dijî Jinan Rawestînin, amaje bi cihê kuştina wan jinan jî daye û diyar kiriye ,10 jin di nav malên xwe de, 2 jin li nav bazarê, yek di nav zeviyê de û 4 jin jî li çolê hatine kuştin.
Li gor raporta platformê, ji sedî 59ê ew jinên ku hatine kuştin, jinên malê bûne.
Li gorî datayên wê platformê, sala 2020ê li Tirkiyê û Bakûrê Kurdistanê 300 jin hatine kuştin û 171 jinên din jî bi awayekî berguman canê xwe ji dest dane.
Herwiha wê platfromê di raporta xwe de destnîşan kiriye, di nav 5 mehên yekem ên îsal de, heta niha 112 jin hatine kuştin ku 79 ji wan jinan can ji dest dana wan cihê gumanê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse