Hewlêr (Rûdaw) - Parlamenterê ÎYÎ Partiyê Ugur Poyraz bertek nîşanî biryara li ser Abdullah Zeydan da.
Piştî ku li Wanê mafê Abdullah Zeydan ê şaredarbûnê hat betalkirin, gelek kes û aliyên siyasî bertekan nîşan didin.
“Divê li Wanê hilbijartin were dubarekirin”
Parlamenterê ÎYÎ Partiyê yê Antalyayê Ugur Poyraz got:
“Heke dadgehê biryar nedaba û lijneya hilbijartinê namzediya wî qebûl nekira dê wê demê namzedekî din bihata destnîşankirin û dê gel jî li gorî vê yekê biryar bidana.”
“Ev xespkirina vînê ye”
Ugur Poyraz destnîşan kir, “Divê li Wanê hilbijartin were dubarekirin” û got:
“Dema hûn îradeya xelkê tune bihesibînin û mazbatayê bidin namzedê rêza duyem, ev xespkirina vîna hilbijêran e.”
Çi bûbû?
31ê Adarê li Tirkiye û Bakurê Kurdistanê hilbijartinên xwecihî hatin kirin.
Namzedê DEM Partiyê Abdullah Zeydan bi rêjeya ji sedî 55,48an bû serokê Şaredariya Bajarê Mezin a Wanê û DEM Partiyê her 14 şaredariyên Wanê standin.
Abdullah Zeydan dema ku parlamenterê HDPyê bû, sala 2016an hatibû girtin û bi Selahattîn Demîrtaş re zêdetirî 6 salan di Girtîgeha Edîrneyê de mabû.
Zeydan sala 2022yan hatibû berdanû piştî ku ji girtîgehê derketibû bi biryara dadgehê qedexeya li ser mafên xwe rakiribû û li ber namzedbûna wî ti asteng nemabûn.
Derket holê ku Wezareta Dadê ya Tirkiyeyê beriya hilbijartinan bi du rojan (29ê Adarê) îtirazî dadgehê kiriye û heman dadgehê jî ev biryara xwe betal kiriye.
Namzedê AK Partiyê Abdulahat Arvas jî li Wanê bi rêjeya ji sedî 27,15an bûbû duyem.
Lê Lijneya Hilbijartinan a Bajêr mazbataya şaredarbûnê da namzedê AK Partiyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse