Hewlêr (Rûdaw) - Artêşa Îsraîlê êrişê bajarê Laziqiyeyê yê Sûriyeyê kir û li gorî agahiyan 2 kes birîndar bûne.
Ajansa fermî ya Sûriyeyê (SANA) ragihand ku artêşa Îsraîlê îro ber destê sibehê saet 02:50î ji Deryaya Spî êrişî bajarê benderî yê Laziqiyeyê kiriye.
SANAyê da zanîn ku di encama êrişê de 2 kes birîndar bûne û zirarên madî çêbûne.
Her wiha SANAyê diyar kir ku sîstema asmanî ya Sûriyeyê bersiv daye êrişên Îsraîlê.
Li ser êriş û cihên ku hatine hedefgirtin ti zanyariyên zêdetir nehatin eşkerekirin.
Li aliyê din, Îsraîlê hîn li ser bûyerê ti daxuyanî nedaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse