Li Bexdayê Xwepêşandan: Alîgirên Tevgera Sedr ketine Herêma Kesk
Hewlêr (Rûdaw) - Li Bexda ya paytexta Iraqê, îro Şemiyê alîgirên Tevgera Sedr li Meydana Tehrîrê dîsa li dijî berbijêrê Çarçoveya Hevahengiyê Mihemed Şiya Sûdanî kom bûn û dest bi xwepêşandanan kirin.
Li gor zanyariyan xwepêşanderan dîwarê Herêma Kesk rûxandine û çûne nav.
Alîgirên Muqteda #Sedr li #Bexda'yê dest bi xwepêşandanekê kirin.
— RudawKurdi (@RudawKurdi) July 30, 2022
📸Elî El Lamî/Rûdaw
🔗https://t.co/wYo9q5Vtec pic.twitter.com/FFrUIyyhgw
Wezareta Tenduristiyê ya Iraqê: Herî kêm 60 kes birîndar bûne
Wezareta Tenduristiyê ya Iraqê di daxuyaniyekê de ragihand ku di xwepêşandanên li Bexdayê de 60 kes birîndar bûne ku 8 ji wan giran birîndar bûne.
Wezareta Tenduristiyê ya Iraqê diyar kir ku hemû sazî û karmend amade ne ji bo dermankirina birîndaran û ew dê hemû tedbîrên pizîşkî werbigirin.
Di xwepêşandanên Bexdayê de alîgirekî Tevgera Sedr birîndar bû û dengê çekan bilind bû pic.twitter.com/PNHCMFo527
— RudawKurdi (@RudawKurdi) July 30, 2022
Xwepêşander ketine nav avahiya Parlamentoya Iraqê
Alîgirên Tevgera Sedr ku li dijî berbijêrê serokwezîriyê yê alîgirê Îranê, Sûdanî derketin kolanan û çûne nav avahiya Parlamentoya Iraqê ya ku di nav Herêma Kesk de ye.
🔴#Bilez
— RudawKurdi (@RudawKurdi) July 30, 2022
Alîgirên Tevgera #Sedr çûne nav Parlamentoya #Iraq'ê. pic.twitter.com/I3O3EUorvh
Daxuyaniya Kazimî
Serokwezîrê Iraqê Mistefa Kazimî derbarê xwepêşandanên ku berdewam dikin de daxuyanî da.
Kazimî di daxuyaniya xwe de daxwaz ji hêzên ewlehiyê yên Iraqê kir ku xwepêşanderan û saziyên hikûmetê biparêzin û daxwaz ji xwepêşanderan jî kir ku “aştiyane” çalakiyên xwe bikin.
Alîgirên Sedr duh deriyên avahiyên partiya Hikme ya bi serokatiya Ammar El-Hekîm ku yek ji rêberên siyasî û olî yên Şîeyan girtin.
Alîgirên Sadr îro destê sibehê li Meydana Tehrîrê ya Bexdayê kom bûn û ji bo ketina Herêma Kesk dest bi hilweşandina dîwarên betonî kirin.
Berî du rojan alîgirên Tevgera Sedr ji bo xwepêşandana li dijî Sûdanî bi ser Herêma Kesk de girtibûn û çûbûne nav avahiya parlamentoyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse