Hewlêr (Hewlêr) - Serok Barzanî li Bexdayê bi balyozên 8 welatên Eraban re civiya.
Serok Mesûd Barzanî piştî 6 salan çû Bexdaya paytexta Îraqê.
Ofîsa Barzanî ragihand ku Serok Mesûd Barzanî di çarçoveya temasên xwe yên li Bexdayê de bi balyozên van welatan re civiya:
- Balyozê Kuwêtê yê Îraqê Tariq Abdulla Elferec
- Balyozê Qeterê yê Îraqê Sultan Mubarek Elkubeysî
- Balyozê Misirê yê Îraqê Ehmed Semîr Hilmî
- Balyozê Behreynê yê Îraqê Xalid Ehmed Elmensur
- Balyozê Umanê yê Îraqê Şêx Mehmûd Elxirusî
- Wekîlê Balyozê Urdinê yê Îraqê Zêd Ebu Hisan
- Wekîlê Balyozê Erbistana Siûdiyê yê Îraqê Seîd Elqehtanî
- Wekîlê Balyozê Îmaratê yê Îraqê Mihemed Salih Eltinîcî
Li gorî daxuyaniyê, Serok Barzanî diyar kiriye ku li Îraqê ji bo çareserkirina pirsgirêkan atmosfereke erênî heye û ew dikarin li ser bingeha wê rewşa nû bigihîn encamên baş ên ji bo çareserkirina pirsgirêkan û nehiştina astengiyan.
Serok Barzanî diyar kiriye ku dê dîtina çareseriyeke bingehîn bandorê li ser aramiya Îraq û herêmê bike.
Serok Barzanî bal kişand ser hebûna hêzên Hevpeymaniya Navneteweyî ya li Dijî DAIŞê jî û ragihand ku divê hebûna wan di çarçoveya peyman û lihevhatineke niştimanî û liberçavgirtina berjewendiyên Îraqê de be.
Balyozan jî hêvî kiriye ku ziyareta Serok Barzanî bibe cihê xêr û aramiyê.
Balyozan herwiha aniye zimên ku welatên wan ji bo bihêzbûna ewlehî û aramiya Îraqê û çareserbûna problemên siyasî yên Îraqê piştgirên Îraqê ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse