Hewlêr (Rûdaw) – Li Beyt Lahiyayê ya Xezeyê, li dibistanekê termê 30 kesî hat dîtin.
Hat gotin ku, dest û çavên kesên hatine kuştin girêdayî bûne.
Komeleya Dîlan a Filistînê li ser bûyerê daxuyaniyek da.
Komeleyê ragihand ku li dibistaneke Beyt Lahiyayê termê 30 kesî hatiye dîtin.
Li gorî agahiyên şahidên bûyerê, dest û çavên kesên hatine kuştin girêdayî bûne.
Komeleya Dîlan a Filistînê di daxuyaniya xwe de got:
“Nîşaneyeke eşkere ye ku Îsraîl ev kesên ku termên wan li qadê hatine dîtin înfaz kirine.
Li Xezeyê 117 roj in tewanên windakirina bi zorê û qirkirinê berdewam in.
Înfaza Filistîniyên ku li Xezeyê hatine desteserkirin zêde bûye.”
Herwiha li gorî îfadeyên Filistîniyên ku di çarçoveya pevguhertina girtiyan de hatibûn berdan, girtî rûbirûyê tacîz û şkenceyê dibin.
Li gorî daxuyaniyê, hinceta Îsraîlê ya “windakirina bi zorê” ew e ku li dijî wan sûcek kirine lewra ev hincet ji bo nixumandina tecrîd û tawanên ku dikine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse