Li Beyrûtê 2 Kurdên ji Kobaniyê hatin kuştin

Hewlêr (Rûdaw) - Li Beyrûta paytexta Libnanê 2 Kurdên ji Rojavayê Kurdistanê di bombebaranên Îsraîlê de hatin kuştin.

Artêşa Îsraîlê di van demên dawî de êrişên xwe yên li Libnanê zêde kirine.

Êrişên Îsraîlê tenê bandor li xelkê Libnanê nake, di heman demê de bandor li penaberên Sûriye û Rojavayê Kurdistanê jî dike.

Di bombebarana doh a li Beyrûtê de 2 Kurdên ji Kobaniyê yên bi navê Ebdullah Sadiq û hevjîna wî Yazî Mislim hatin kuştin.

Ebdullah Sadiq û Yazî Mislim ji gundê Hilincê yê Kobaniyê bûn û 6 sal bûn li Libnanê diman.

Piştî şerê navxwe yê Sûriyeyê û dagirkirina Efrîn û Serê Kaniyê ji aliyê Tirkiye û çekdarên girêdayî wê ve bi hezaran Kurd koçberî Libnanê bûn.

Li aliyê din, Sekreterê Hizbulahê Hesen Nasralah 27ê Îlonê li Beyrûta paytexta Libnanê hat kuştin.

Artêşa Îsraîlê 28ê Îlonê ragihand ku wan Hesen Nasralah kuştiye û Hizbulaha Libnanê jî heman rojê kuştina wî piştrast kir.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger