Hewlêr (Rûdaw) - CENTCOMê ragihand ku wan li Sûriyeyê lîderek û çekdarekî DAIŞê kuştine.
Fermandariya Navendî ya Hêzên Amerîkayê (CENTCOM) da zanîn ku wan doh li Sûriyeyê Ebû Yûsifê (Mehmûd) lîderê DAIŞê kuştiye.
CENTCOMê diyar kir ku Ebû Yûsif li Dêrezorê di êrişeke asmanî de hatiye kuştin û pê re çekdarekî din jî hatiye kuştin.
Fermandariya Navendî daxuyand ku ew û şirîkên xwe yên herêmî van operasyonan ji bo kêmkirina hewlên terorîstan ên ji bo êrişkirinê û çalakiyan encam didin.
Li gorî daxuyaniya CENTCOMê, êriş li cihekî ku berê di kontrola Sûriye û Rûsyayê de bû hatiye kirin.
Fermandarê CENTCOMê Michael Erik Kurilla amaje bi berdewamiya karên bi aktorên herêmî re kir û got:
“Wekî ku berê jî hatiye kirin Amerîka bi hevkarên xwe yên herêmî re rê nade ku DAIŞ ji rewşa heyî ya Sûriyeyê sûdê bibîne.
DAIŞ dixwaze 8 hezar endamên xwe yên ku li Sûriyeyê girtî ne rizgar bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse