Welatiyên Îsraîlê ji Tirkiyeyê diçin

Hewlêr (Rûdaw) - Îsraîliyên li Tirkiyeyê, piştî banga Îsraîlê vedigerin welatê xwe.

Hikûmeta Îsraîlê piştî zêdebûna xwepêşandanên li dijî welatê wan ên li Tirkiyeyê bangî welatiyên xwe kir ku ji Tirkiyeyê derkevin.

Doh balafireke Îsraîlê ji Tel Evîvê çû Stenbolê û demjimêr 19:30î hejmarek welatiyên Îsraîlê veguhastin Tel Evîvê.  

Herwiha heman rojê balafireke din jî ji Îsraîlê bo veguhestina welatiyên Îsraîlê çû Tirkiyeyê.

Ofîsa Ewlehiya Neteweyî ya Îsraîlê, bangî welatiyên xwe yên li Tirkiyeyê kiribû ku demildest Tirkiyeyê terk bikin.

Welatiyên Tirkiyeyê, piştî êrişa li Xezeyê ku nexweşxaneyek hatibû aramancgirtin, li pêş balyozxane û konsulxaneyên Îsraîl û Amerîkayê xwepêşandan kirin.

Li Stenbolê hinek xwepêşanderan xwest bikevin nav konsulxaneya Îsraîlê û di navbera wan û polîsan de alozî derketin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger