Hewlêr (Rûdaw) - Wezîrê Karên Derve yê Îsraîlê Israel Katz derbarê Serokkomarê Tirkiyeyê Recep Tayyîp Erdogan de peyamek belav kir û got, “Erdogan ji bo xatirê Hemasê Tirkiyeyê vediguherîne dîktatoriyê.”
Wezîrê Derve yê Îsraîlê Israel Katz li ser hesabê xwe yê medyaya civakî bi zimanên Îbranî, Îngilîzî û Tirkî peyamek belav kir û rexneyên tund li Serokkomarê Tirkiyeyê girtin.
“Tirkiyeyê vediguherîne dîktatoriyê”
Katz, herwiha Serokê Şaredariya Bajarê Mezin a Stenbolê Ekrem Îmamoglu jî li ser peyama xwe etîket kir.
Wezîrê Karên Derve yê Îsraîlê got, “Erdogan li hemberî sekna azad a hemû cîhanê, tenê ji bo xatirê piştevaniya kujer û tecawizkerêm Hemasê Tirkiyeyê vediguherîne dîktatoriyê.”
Israel Katz balkişand ser astengkirina tora medyaya civakî ya Instagramê ji aliyê Hikûmeta Tirkiyeyê ve û got:
“Li Tirkiyeyê Instagramê asteng dike ku 57 milyon bikarhînerên wê hene.
Ji ber ku atleteke Îsraîlî atleteke Tirk têk bir weşanên werzişê radiwestîne, gefa dagîrkirina welatekî demokratîk dixwe ku Tirkiye di warê serbazî de ligel ne aloz e û bi qutkirina peywendiyên bazirganî 6 milyar dolar zererê dide hinardekarên Tirk.”
Ekrem Îmamoglu etîket kir
Katz di berdewamiya peyama xwe de got, “Erdogan dewleta Tirk a xwedî şiyanên zanistî, çandî, teknolojîk û aborî tine dike.
Mîrata Ataturkê ku Tirkiyeyeke refah û pêşverş damezrandiye ji holê radike.
Em ji bo wan rojên ku hertişt tê de bixweşî bin hêvî bikin. @ekrem_imamoglu”
.@RTErdogan, tüm özgür dünyanın duruşuna karşı, sadece Hamas'ın katillerine ve tecavüzcülerine verdiği destek uğruna Türkiye'yi bir diktatörlüğe dönüştürüyor.
— ישראל כ”ץ Israel Katz (@Israel_katz) August 2, 2024
Türkiye'de 57 milyon kullanıcısı olan Instagram'ı engelliyor, İsrailli bir atlet bir Türk atleti yendi diye spor… pic.twitter.com/LFYbTqaPRc
Îmamoglu bersiv da
Li aliyê din Ekrem Îmamoglu jî got, “Ez vê gotina ku heqaretê li alaya Komara Tirkiyeyê û Serokomarê wê dike bi heman awayî li we vedigerînim.
Em ji kesekî ku xwîna bi deh hezaran zarokan di destê wî de ye fêrî demokrasî û hiqûqê nabin.
Erê, dê her tişt pir xweş bibe. Dema ku Filistîn azad bû.”
Türkiye Cumhuriyeti Devleti’nin bayrağına ve Cumhurbaşkanı’na hakaret eden bu açıklamanızı size aynen iade ediyorum.
— Ekrem İmamoğlu (@ekrem_imamoglu) August 2, 2024
Demokrasiyi ve hukuku, elinde on binlerce çocuğun kanı olan birilerinden öğrenecek değiliz.
Evet, her şey çok güzel olacak. Filistin özgür olduğu zaman. https://t.co/JPDtDaPqNe
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse