Şaredariyên Dîlok û Bexdayê rêkeftinek îmze kirin

Hewlêr (Rûdaw) - Şaredariya Bajarê Mezin ê Dîlok a Bakurê Kurdistanê û Şaredariya Bexdayê derbarê xizmet û projeyên binesaziyê de rêkftinek îmze kirin.

Parêzgarê Dîlokê Davut Gul û Sekreterê Giştî yê Şaredariya Bajarê Mezin a Dîlokê Sezer Cihan, serdana paytexta Iraqê bajarê Bexdayê kirin û bi Şaredarê Bajarê Mezin ê Bexdayê Emmar Mûsa Kazim re civînek saz kirin.

Her du aliyan derbarê xizmetên şaredariyê û projeyên binesaziyê de rêkeftinek îmze kirin.

Şaredarê Bexdayê Emmar Mûsa Kazim ragihand: “Rêkeftina me dê di warê hevkariya sektora xizmetê ya di navbera her du welat û her du bajaren de û pêşketina xizmetên şaredariyê yên Bexdayê de destpêkek e.”

Sekreterê Giştî yê Şaredariya Bajarê Mezin a Dîlokê Sezer Cihan jî got: “Em ji bo rêkeftina di navbera Şaredariya Bajarê Mezin a Dîlokê û Şaredariya Bajarê Mezin a Bexdayê de hatin vê derê. Gelek tiştên di ware çand, perwerde û bazirganiyê de hene ku her du bajar ji hev fêr bibin. Şaredariya Bajarê Mezin a Dîlokê di warê sektora xizmetê ya binesaziyê de ji Tirkiyê re mînak e.”

Yekîtiya Şaredariyên Tirkiyê jî piştî rêkeftinê otombîleke zibil bexşand Şaredariya Bajarê Mezin a Bexdayê.

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger