Hewlêr (Rûdaw) - Li navçeya Qamûşanê ya parêzgeha Qersê, jiyana guran bi çîpan tê şopandin.
Li parêzgeha Qersê tîmên Rêveberiya Giştî ya Parastina Xweza û Parkên Niştimanî û Komeleya Xwezayê ya Bakur, ji bo çavdêriya jiyana wan çîp xistine stûyê 40 gurî.
Jiyana guran bi dronan jî hatiye tomarkirin.
Li gorî çavdêriyê, gur wek kerî digerin û gurek salane li qadeke 5 hezar kilometre çargoşe digere.
Gur dema dimeşin pê li şopê lingên hevûdu dikin da ku zêde newestin û karibin zêdetir rê biçin.
"Çar gur pê li yek cihî dikin"
Koordînatorê Zanistê yê Komeleya Xwezayê ya Bakurê Emrah Çoban got:
“Çar gur pê li yek cihî dikin û wekî gurekî bi tenê tevdigerin.
Bi vî awayî kêm diwestin û dikarin mesafeyeke dirêj biçin.
Me sala 2023yan du gur girtibûn û sala 2022yan jî me du gur dişopandin.
Em li navçeya Qamûşanê niha çavdêriya 4 guran dikin.
Li gorî amar û çavdêriyên me, Daristanên Qamûşanê ji bo guran biçûk in, gurên ku me pêştir girtibûn heta navçeyên Selîmê û Şenkayayê diçin.
Diçin navçeyên Qers û Erzeromê.
Ev jî nîşanî me dide ku daristanên Qamûşanê çiqasî girîng in û divê bên parastin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse