KERKÛK - Boriya gazê teqiya: Gundiyan malên xwe vala kirin

Hewlêr (Rûdaw) - Li nêzîkî gundê Qizilyarê yê li başûrrojavayê Kerkûkê boriyeke gazê teqiya û xelkê malên xwe vala kirin.

Şeniyê wî gundî Mihemed Qizilyarî ji Tora Medyayî ya Rûdawê re got:

“Em saet 03:00yê sibehê bi dengekî bilind ê ku ji nêzîkî gundê me hat şiyar bûn û derket ku dîsa boriya gazê şikestiye.”

Boriya ku gazê di navbera Kompanyaya Petrol û Gazê ya Bakur de vediguhêze, di demeke kurt de cara duyem e ku bi heman awayî dişike.

Mihemed Qizilyarî herwiha anî ziman:

“Şêniyên gund piştî dengê teqînê ji bo ewlehiya xwe neçar man ji herêmê derkevin.”

Mihemed Qizilyarî da zanîn, ji bo ku rewşê kontrol bikin tîm gihîştine gund.

Li Kerkûkê boriya gazê çima teqiya?

Nûçegihanê Rûdawê Hîwa Husamedîn ji cihê bûyerê zanyariyên zêdetir radigihîne pic.twitter.com/gBdBelEx30

— RudawKurdi (@RudawKurdi) April 29, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger