Hewlêr (Rûdaw) - Li çend herêmên parêzgeha Şirnexê ya Bakurê Kurdistanê û navçeyên wê 15 roj qedexeya çûnûhatinê hat ragihandin.
Li gorî daxuyaniya Parêzgariya Şirnexê, li hin dever û çiyayên Şirnexê û navçeyên wê yên Cizîr, Silopiya, Basan, Qileban û Elkê qedexe hatiye ragihandin.
Li gorî biryarê, li wan deveran ji îro heta 12ê Kanûn Pêşîn di bin navê “herêma taybet a ewlehiyê” de qedexe hatiye ragihandin.
Parêzgariya Şirnexê di daxuyaniya xwe de îdia kir ku qedexe ji bo “parastina ewlehiya neteweyî, silametiya giştî, rêgirtina li ber tawanan û her rûdaneke neyînî û parastina maf û azadiya kesên din” hatiye ragihandin.
Çiya û deverên ku li gorî biryara parêzgariyê hatine qedexekirin ev in:
“Çiyayê Cûdiyê, Devera Bestayê, Çiyayê Gurê, Kureşîn, Girê Deriyê Dawetiyan, Kela Memê, Feraşîn, Zêrîne, Çiyayê Gabarê, Newala Sar, Tehtê Reş, Hoza Mêrî û Devera Tenînê.”
Parêzgariyê her wiha hişyarî daye xelkê ku ji bo silametiya xwe neçin wan deveran.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse