Serokwezîrê Îraqê ji Serok Barzanî re sersaxî xwest

Hewlêr (Rûdaw) - Serokwezîrê Îraqê Mihemed Şiya Sûdanî, ji ber wefata xwişka wî, ji Serok Barzanî re sersaxî xwest.

Di daxuyaniya Serokwezîriya Îraqê de hat gotin:

“Serokwezîrê Îraqê Mihemed Şiya Sûdanî, ji ber wefata Zekiya Mele Mistefa Barzaniyê, ji Serokê PDKyê Mesûd Barzanî û Serokê Herêma Kurdistanê Nêçîrvan Barzanî re sersaxî xwest.”

Zekiya Mela Mistefa Barzaniya ku ev demek e tedawî dibû, 23yê Sibatê li Nexweşxaneya Hewlêrê koça dawî kiribû.

Ofîsa Serok Barzanî ragihand ku dê şîna Zekiya Barzaniyê li navçeya Pîrmamê ya Hewlêrê 3 rojan di navbera 10:00-12:00 û 14:00-17:00 de were danîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger