Dema çekdar direvin / Wêne: Ji ber dîmenan
Hewlêr (Rûdaw) - Meclisa Leşkerî ya Minbicê dest bi operasyona “Hemleya Şehîd Ezîz Ereb Minbic” kiriye û şervan bi pêş ve diçin.
Komên çekdar ên ku Tirkiye piştgiriyê dide wan ji 8ê Kanûna Pêşîn ve êrişî Bendava Tişrînê û Pira Qereqozaqê dikin.
Meclisa Leşkerî ya Minbicê jî van her du cihan diparêze û doh dest bi êrişa berevajî kir.
Navenda Ragihandinê ya Hêzên Sûriyeya Demokratîk (HSD) doh ragihand ku şervanên Meclisa Leşkerî ya Minbicê gundên Qeşle, El-Saiydiyen û El-Hac Seîdê kontrol kirine.
Li gorî agahiyên Navenda Ragihandinê ya HSDyê, hemleya şervanan berdewam dike û heta niha çend gund hatine kontrolkirin.
Li hêla din, Navenda Ragihandinê ya HSDyê doh hinek dîmen belav kirin ku çekdarên li derdora Bendava Tişrînê direvin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse