Hewlêr (Rûdaw) - Li navçeya Gêxî ya parêzgeha Çewligê ya Bakurê Kurdistanê Festîvala Xweza û Çandê ku dê di 12-13ê Tebaxa 2023an de bihata kirin, bi hinceta ku “belgeyên daxwaznameyê kêm in û cihê ku festival lê were sazkirin nîne” ji aliyê qeymeqamtiyê ve hat redkirin.
Li gor agahiyên ku hatine belavkirin, Yekîtiya Komeleyên Gêxiyê (KİDEB) xwestiye di 12-13ê Tebaxê de festîvalekê saz bike û ji bo wergirtina destûrê serî li qeymeqamtiyê daye lê Qeymeqamtiya Gêxiyê bi hinceta ku belge kêm in û cihê festival lê bê kirin nîne destûra sazkirina festîvalê nedaye.
Tê gotin ku di 15ê Hezîranê de dema Yekîtiya Komeleyên Gêxiyê bi belgeyeke nivîskî serî li qeymeqamtiyê daye û wê demê qeymeqam erênî nêzîkî daxwaza wan bûye.
18ê Temûzê bi awayekî nivîskî qeymeqamiyê bersiva wê daxwazê daye û gotiye “Belge kêm in û cihê festîval lê were sazkirin nîne” bi wî awayî daxwaz hatiye redkirin.
Yekîtiya Komeleyên Gêxiyê di daxuyaniyekê de dibêje, “Ev nêzîkatiya bi hincet eger ne siyasî be çi ye?”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse