Hewlêr (Rûdaw) - Li parêzgehên Erzerom, Erdexan û Qersê yên Bakurê Kurdistanê, ji ber berf û pûkê rêyên 146 gundan hatin girtin.
Pêleke berf û baranê berê xwe daye Bakurê Kurdistanê.
Ji ber berf û pûkê li 3 parêzgehên Bakurê Kurdistanê rêyên 146 gundan hatine girtin.
Li Erzirom û navçeyên wê ji ber berf û pûkê rêyên 138 gundan hatin girtin.
Tîmên Şaredariya Bajarê Mezin a Erziromê ji doh ve ser kar û xebatên vekirina rêyan didomînin.
Li parêzgeha Erdexanê jî ji ber berfê rêyên 5 gundan hatine girtin.
Li parêzgeha Qersê jî ji ber berf û pûkê rêyên 3 gundan hatine girtin.
Herwiha li Qersê çûnûhatina gundên li herêmên bilind jî bi zehmetî dibe.
Li parêzgehên Erdexan û Qersê tîmên Saziya Îdareya Taybet a Bajêr ji bo vekirina rêyan dest bi xebatan kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse