Hewlêr (Rûdaw) - Li parêzgehên Xarpêt û Dêrsimê yên Bakurê Kurdistanê agir bi daristanan ket.
Li navçeya Kebanê ya ser bi parêzgeha Xarpêtê ya Bakurê Kurdistanê ve, ji ber sedemeke nehat zanîn agir bi daristanê ket.
Li gundê Karkidê yê Kebanê, îro 21ê Tebaxê ji ber sedemeke nehat zanîn agir bi daristanê ket. Li ser agahdarkirinê tîmên agir vemirandinê, cendirme û tîmên Saziya Herêmê ya Daristanê û AFADê bo cihê bûyerê hatin şandin.
Agir di encama xebatên tîman de hat vemirandin. Hat ragihandin ku 20 donim daristan şewitî ye.
Herwiha îro li navçeya Mazgêrdê ya ser bi parêzgeha Dêrsîmê ve jî, agir bi daristanê ket û di encama xebatên vemirandinê de hat vemirandin. Lê nehat eşkerekirin, ku çend donim daristan şewitî ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse