Hewlêr (Rûdaw) – Hejmara kursiyên PDKyê kêm bûye û kursiyên YNK û Newey Niwê jî zêde bûne.
Heta niha nêzîkî ji sedî 95ê dengan hatine hejmartin û hêdî hêdî hejmara kursiyên partiyan zelal dibe.
Dengdana hilbijartinên Parlamentoya Kurdistanê doh saet 07:00an dest pê kir saet 18:00an xelas bû.
Li gorî agahiyên Tora Medyayî ya Rûdawê, heta niha herî kêm ji sedî 95ê dengan hatine hejmartin û hejmara kursiyên partiyan bi vî rengî ye:
Partiya Demokrat a Kurdistanê (PDK): 40 kursî
Yekîtiya Niştimanî ya Kurdistanê (YNK): 24 kursî
Newey Niwê (Nifşê Nû): 15 kursî
Yekgirtû: 7 kursî
Komeleya Dadgeriyê: 3 kursî
Helwest: 4 kursî
Eniya Gel: Kursiyek
Goran: Kursiyek
Divê were gotin ku Parlamentoya Kurdistanê ji 100 kursiyî pêk tê û 5 kursiyên mayî kota ne û ji pêkhateyan re hatine veqetandin.
Hilbijartinên 2018an
Divê hilbijartinên Parlamentoya Kurdistanê serê 4 salan werin kirin lê herî dawiyê 30ê Îlona 2018an hatibûn kirin.
Wê demê li Parlamentoya Kurdistanê 111 kursî hebûn û hejmara kursiyên partiyan wiha bû:
Partiya Demokrat a Kurdistanê (PDK): 45 kursî
Yekîtiya Niştimanî ya Kurdistanê (YNK): 21 kursî
Newey Niwê (Nifşê Nû): 8 kursî
Yekgirtû: 7 kursî
Komeleya Dadgeriyê: 7 kursî
Tifaqa Ber bi Îslahê ve (Yekgirtû di navê de bû): 5 kursî
Lîsteya Azadiyê: Kursiyek
Lîsteya Modern: Kursiyek
Tirkmen: 5 kursiyên kotayê
Xiristiyan: 6 kursiyên kotayê
Dadgeha Federal a Îraqê 21ê Sibatê biyar da ku li Başûrê Kurdistanê 4 herêmên hilbijartinê hebin (Hewlêr, Silêmanî, Dihok û Helebce).
Dadgeha Federal her wiha biryar da ku “kota” ne li gorî makezagonê ye û 11 kursiyên kotayan rakirin ku hejmara kursiyên li Parlamentoyê bû 100.
Konseya Darazê ya Bilind a Îraqê jî 21ê Gulanê biryar da ku ji 100 kursiyî 5 heb kota bin û ji Tirkmen, Xiristiyan û Ermeniyan re bên veqetandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse