Hewlêr (Rûdaw) – Berdevkê Hêzên Sûriya Demokratîk (HSD) Aram Hena derbarê hevdîtina herî dawî ya Serokomarê Tirkiyê Recep Tayyip Erdogan û Serokê Rûsyayê Vladimir Putîn a li Soçiyê de got: “Civîn tenê ji bo erêkirin û plankirina êrişên vê dawiyê ne.”
Berdevkê HSDê Aram Hena ji medyaya Rêveberiya Xweser a Rojavayê Kurdistanê re axivî û behsa geşedanên dawîn ên li herêmê kir.
Ev heyameke Tirkiyê êrişên xwe li ser Rojavayê Kurdistanê û deverên din ên di bin kontrola Rêveberiya Xweser de zêde kirine, taybet bi piştî hevdîtina Erdogan û Putîn a 5ê Tebaxa 2022yan a li bajarê Soçiyê hêj dijwartir bûne.
Derbarê wê civînê de Aram Hena got: “Civîna dawî ya li Soçiyê, tenê ji bo erêkirin û plankirina êrişên vê dawiyê ne.”
Aram Hena diyar kir ku Sûriye veguheriya qada nakokiya navneteweyî û hemû aliyên herêmî û navneteweyî ku çavdêriya bûyeran dikin, hewl didin bi her awayî sûdê ji vê rewşê bigirin.
Hena herwiha eşkere ku ew ew rojane raporên meydanî didin Rûsya weke welatekî gerentor û Hevpeymaniya Navdewletî ya li Dijî DAIŞê û got: “Em encamên êrîşan ku gefan li ser armancên me yên hevbeş çêdikin, belge dikin.”
Berdevkê HSDê herwiha tekez kir ku hêzên wan ji bo her rewşekê re amade ne û got: “Em soz didin ku bi vîna xwe ya xurt sînorên xwe biparêzin, ewlehiyê ji gelê xwe re pêk bînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse