Hewlêr (Rûdaw) – Hêzên Sûriyeya Demokratîk (HSD) bîlançoya 24 saetên dawî ya şerê li Bendava Tişrînê eşkere kir.
Êrişên çekdarên "Artêşa Niştimanî ya Sûriyeyê" ya nêzikî Tirkiyeyê yên li derdora Pira Qereqozaqê û Bendava Tişrînê berdewam dikin.
Herî dawî pêr di encama êrişekê de 6 kesan canê xwe ji dest dabû ku şanoger û lîstikvan Bavê Teyar jî di nav wan de bû.
Her wiha di vê êrişê de 15 kes jî birîndar bûbûn.
Navenda Ragihandinê ya Hêzên Sûriyeya Demokratîk (HSD) ragihand ku di nava 24 demjimêrên dawî de 29 çekdar hatine kuştin.
Li gorî daxuyaniyê, Tirkiyeyê jî bi dronan piştgirî daye êrişên çekdaran.
Navenda Ragihandinê diyar kir ku tank, erebeyên doçkayan û wesayîtên zirxpoş hatine rûxandin û depoyeke çekan jî hatiye teqandin.
Navenda Ragihandinê ya Hêzên Sûriyeya Demokratîk (HSD) diyar kir ku bîlançoya 24 saetên dawî wilo ye:
- 29 çekdar hatine kuştin
- 15 çekdar birîndar bûne
- 3 tank, 3 erebeyên zirxpoş hatine îmhakirin, 4 kombûnên çekdaran hatine hedefkirin, depoyeke çekan hatiye teqandin, 4 erebe hatine teqandin ku doçka li ser 2yan ji wan bûne
Rewangeha Mafên Mirovan a Sûriyeyê (SOHR) jî ragihand ku di nava 24 demjimêran de li çoltera Minbicê herî kêm 20 çekdarên Artêşa Niştimanî hatine kuştin.
Li gorî SOHRê, ji 12ê Kanûna Pêşîn a 2024an ve bîlanço wiha ye:
- 44 sivîlan canê xwe ji dest daye ku 6 ji wan jin û zarok in
- 333 çekdarên ku Tirkiye piştgiriyê dide wan hatine kuştin
- 75 şervanên HSDyê canê xwe ji dest daye
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse