Hewlêr (Rûdaw) - Li naçveya Siwêregê ya ser bi parêzgeha Rihayê ya Bakurê Kurdistanê ve du otomobîl li hev qelibîn û di encamê de kesekê canê xwe ji dest da û 4 kes jî birîndar bûn.
Li gor agahiyan, 17ê Temuza 2023an li ser rêya di navbera Siwêregê û Semsûrê de otomobîlek ku Mustafa Îren şofêriya wê dikir û otomobîlek ku Mîzbah Beşkat şofêrî dikir li hev qelibîn.
Di bûyerê de her du şofêr, herwiha welatiyên bi navên Sînan Îren, Halîme Beşkat û Ayşe ÇelÎk birîndar bûn.
Li ser agahdarkirinê tîmên tendirustiyê, Berevaniya Şaristanî û cendirme bo cihê bûyerê hatin şandin.
Tîmên hawarçûnê birîndar veguhestine Nexweşxaneya Dewletê ya Siwêregê. Lê tevî hemû hewildanên pizîşkî, yek ji şofêran, Mustafa Îren li nexweşxaneyê canê xwe ji dest da.
Hatiye ragihandin ku rewşa tendirustiya Ayşe Çlik jî xirab e û birînên wê giran in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse