Hewlêr (Rûdaw) - Li Zanîngeha Harranê ya li parêzgeha Rihayê ya Bakurê Kurdistanê, 2 xwendekar di asansorê de asê man.
Li Tirkiye û Bakurê Kurdistanê pirsgirêkên asansorên şevîmanên zanîngehan berdawam in.
Di demên dawî de li wargehan gelek xwendekar di asansoran de asê dimînin.
Doh li navçeya Bucayê ya Îzmîrê li Şevîmana Keçan a Gazî Ayşeyê asansora ku xwendekareke keç tê de bû ji qata 5an ket qata duduyan.
Xwendekara keç 45 deqîqeyan di asansorê de asê ma.
Tevgera Barinamiyoruz (Em bê war in) a xwendekarên zanîngehê li ser hesabê xwe yê tora civakî ragihand ku ji bo rizgarkirina xwendekara ku asê mabû bangî tîmên parastina şaristaniyê nehatiye kirin.
Piştî Îzmirê demjimêr derdora 01:30ê li Şevîmana Hacer Anayê ya Zanîngeha Harranê ya Rihayê jî du xwendekarên keç di asansorê de asê man.
Xwendekar 45 deqîqeyan di asansorê de man û yek ji wan ji tirs û bênefesiyê bêhiş ket.
Xwendekaran di nav asansorê de vîdeoyek girt û li ser hesabê tora civakî ya Tevgera Barinamiyoruz belav kir û bangî alîkariyê kir.
25ê Çiriya Pêşînê 2023yan jî xwendekara Zanîngeha Adnan Menderesê Zeren Ertaş, di asansora Şevîmana Keçan a Guzelhisarê ya Aydinê de asê mabû û canê xwe ji dest dabû.
Her KYK'da bunu yaşamak zorunda mıyız?
— Barınamıyoruz Hareketi (@barinamayanlar) December 16, 2023
Arkadaşlarımız 45 dakikadır Şanlıurfa Hacer Ana Kız KYK'da asansörde mahsur kaldı.
Sizin ihmallerinizle her gün bu korkuyu yaşamak zorunda mıyız? Arkadaşımızın sözlerini aynen tekrarlıyoruz: Bu iş böyle gitmez! pic.twitter.com/GpoLI2lz5o
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse