Hewlêr (Rûdaw) - Li parêzgeha Rihayê ya Bakurê Kurdistanê, şeva borî hinek kesan bi demançeyan êrişî restorantekê kir û di encamê de 5 kes birîndar bûn.
Li gorî zanyariyan, li Taxa Karşiyakayê ya Rihayê, şeva borî hinek kesan bi demançeyan gule li restoranekê reşandin.
Di encama êrişê de xebatkar û mişteriyên li restorantê yên bi navên Hamza Çîftçî, Îbrahim Çîftçî, Mehmet Emîn Çîftçî, Erol Arca û Firat Yildiz birîndar bûn.
Li ser agahdarkirinê tîmên tenduristiyê û polîs çûn cihê bûyerê.
Tîmên tenduristiyê 5 birîndar rakirin nexweşxaneyên cuda yên Rihayê.
Derbarê bûyerê de lêpirsîn hat destpêkirin û 6 kes hatin desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse