Parîs û Hewlêr rêkeftina hemahengiyê îmze dikin

Hewlêr (Rûdaw) - Rêkeftina hemahengiyê di navbera Hewlêr û Parîsê de tê îmzekirin.

 

Nûnerê Hikûmeta Herêma Kurdistanê li Fransa, ragihand ku rêkeftina hemahengî û bihevrekarkirinê di navbera Hewlêr û Parîsê de tê îmzekirin.

 

Elî Dolemerî ji Rûdawê re ragihand ku îro Dûşemî rêkeftina hemahengî û bihevrekarkirinê ya navbera Parîs û Hewlêrê ji aliyê Parêzgarê Hewlêrê Newzad Hadî û Seroka Şaredariya Parîsê Ann Hîdalgo ve tê îmzekirin.

 

Nûnerê Hikûmeta Herêma Kurdistanê li Fransa behsa wê yekê jî kir ku rêkeftin çend waran li xwe digre û herdû bajar dikarin di warên kultûrî, çûnûhatin, birêvebirin, geştyarî, şûnwar û çend warên din de alîkariya hev bikin.

 

Beriya niha jî Seroka Şaredariya Parîsê Ann Hîdalgo ragihandibû ku ew dê roja 15ê Tîrmehê rêkeftineke hemahengiyê di navbera Hewlêr û Parîsê de îmze bikin û bi riya wê rêkeftinê girîngiyeke zêdetir didin peywendiyên navbera Parîs û Hewlêrê.

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger