Hewlêr (Rûdaw) - Li ser rêya Pîranşar-Şinoyê ya parêzgeha Urmiyeyê otomobîlek wergeriya, kesekî canê xwe ji dest da û 4 kes jî birîndar bûn.
Êvara Înê li ser rêya Pîranşar û Şinoyê ya parêzgeha Urmiyeyê ya Rojhilatê Kurdistanê, di encama qezaya otomobîlekê de kesekî canê xwe ji dest da û 4 kes jî birîndar bûn.
Rêveberê Giştî yê Xaça Sor a parêzgehê Hemîd Mehbûbî got:
“Wesayît ji kontrolê derketiye û wergeriyaye.
Tîmên polîsên trafîkê li ser sedema qezayê lêkolînê dikin.”
Hemîd Mehbûbî destnîşan kir ku ji bilî kesê ku canê xwe ji dest daye, 4 rêwiyên din jî birîndar bûne.
Hat diyarkirin ku tîman birîndar birine nexweşxaneyê.
Her sal li Îran û Rojhilatê Kurdistanê bi sedema “xirabbûna rêyan”, “pabendnebûna şofêran” bi hezaran kes di qezayên trafîkê de canê xwe ji dest didin û bi hezaran kes jî birîndar dibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse