Hewlêr (Rûdaw) - Li navçeya Çermûgê ya parêzgeha Amedê ya Bakurê Kurdistanê di bûyereke trafîkê de 2 kesan canê xwe ji dest dan, 4 kes bi giranî birîndar bûn û zarokek jî wenda ye.
Li gor zanyariyan şeva borî li Taxa Başari ya girêdayî navçeya Çermûgê ya Amedê otomobîla ku 7 kes tê de bûn qulipî.
Li ser agahdarkirinê tîmên tendirustî çûn cihê bûyerê û termê welatiyên bi navên Mehmet G. û Emîrcan G. ji otomobîlê derxistin.
Tîman herwiha 4 kes jî bi birîndarî ji otomobîlê derxistin ku birînên wan giran in, lê li gor zanyariyan zarokek jî di otomobîlê de bûye û ew zarok wenda ye.
Birîndar ji aliyê tîmên tendirustî ve bo Nexweşxaya Dewletê ya Erxenî û Nexweşxaneya Perwerde û Lêkolînan a Gazîyaşargîl a Amedê hatin rakirin. Hatiye ragihandin ku karûbarên derbarê lêgerîna wî zarokê wenda de jî berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse