Hewlêr (Rûdaw) - Li navçeya Çermûgê ya Ameda Bakurê Kurdistanê mînîbûsa karkeran wergeriya,11 karker birîndar bûn.
Li gorî zanyariyan, li ser rêya sereke ya Çêrmûg-Siwêregê li nêzîkî gundê Axaçhanê yê navçeya Çermûgê ya Amedê mînîbûsa ku karkerên demsalî yên çandiniyê tê de bûn ji rê derket û wergeriya.
Di encama qezayê de 11 karker birîndar bûn.
Li ser agahdarkirinê cendirme, tîmên parastina sivîlan û tîmên tenduristiyê çûn cihê bûyerê.
Tîmên tenduristiyê birîndar rakirin Nexweşxaneya Dewletê ya Siwêregê.
Li gorî agahiyan, ew karkerên ku birîndar bûne ji bajarê Orduyê hatibûn navçeya Siwêregê ya Rihayê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse