Hewlêr (Rûdaw) – Li parêzgeha Kirmaşanê ya Rojhilatê Kurdistanê di du bûyerên trafîkê de, 4 kesan canê xwe ji dest da û 5 kes jî birîndar bûn.
Rêveberê Hawarçûn û Rûbirûbûna Krîzan a Kirmaşanê Mesûd Qelasifîdî li ser qezayan daxuyaniyek da.
Mesûd Qelasifîdî diyar kir ku bûyera yekem li ser rêya sereke ya Ciwanro-Selasa Bawecaniyê di navbera du barhilgiran û otomobîleke taybet de çêbûye.
Bûyerê ji ber leza zêde ya otomobîlan rû daye, agir bi otomobîlan ketiye.
Mesûd Qelasifîdî destnîşan kir ku di bûyerê de 2 kesan canê xwe ji dest daye û kesek jî birîndar bûye.
Di bûyereke din a li ser rêya gundê Merzeleyê ya navçeya Sunqurê de jî du otomobîl li hev qelibîn.
Bi gotina Mesûd Qelasifîdî, di wê bûyerê de jî 2 kesan canê xwe ji dest daye û 4 kes jî birîndar bûne.
Birîndarên her du bûyeran jî rakirine nexweşxaneyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse