Dêrsim (Rûdaw) – Li bajarê Dêrsimê yê Bakurê Kurdistanê kesekî 27 salî ji bo ku xwe hênik bike, ket çem û tê de xeniqî.
Nûcegihan Rûdawê yê Dêrsimê Ali Haydar Gozlu ragihand ku 4 hevalên hevdû ji bajarê Erzinganê ji bo gerê çûne Dêrsimê.
3 ji wan kesan li Geliyê Pulumurê ji bo xwe hênik bikin ketin ava çem û li ber avê çûn.
Bi alîkariya welatiyên li herêmê, 2 ji wan ji çem hatin derxistin lê Servet Şenturkê xelkê Wanê ji ber çavan wenda bû.
Li ser agahdarkirinê ekîbên AFADê, tenduristî, îtfaiyeyê, endamên Komeleya Lêgerîn û Rizgarkirinê ya Munzurê û cendirme çûn cihê bûyerê.
Servet Şenturk ji avê hat derxistin û derket holê ku ew xeniqiye.
Ekîban, cenazeyê Servet Şenturk ji bo otopsiyê bir Nexweşxaneya Dewletê ya Dêrsimê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse