Wezîrê Parastinê yê Almanyayê hat Hewlêrê

Hewlêr (Rûdaw) - Wezîrê Parastinê yê Almanyayê Boris Pistorius hat Hewlêrê û civîna wî û Serokê Herêma Kurdistanê Nêçîrvan Barzanî dest pê kir.

Boris Pistorius piştî Urdinê derbasî Bexdayê bû û bi Serokwezîrê Îraqê Mihemed Şiya Sûdanî û Wezîrê Parastinê yê Îraqê Sabît Ebasî re hevdîtin kirin.

Ofîsa Serokwezîriya Îraqê da zanîn ku wan mijarên wekî  rûdanên li Sûriyeyê û rewşa Rojhilata Navîn nirxandine.

Di civînan de rola welatên Ewropayê ya ji bo “Dabînkirina aramî û serweriya Sûriyeyê” jî hat gotûbêjkirin.

Boris Pistorius amaje pê kir ku ew dixwazin pêwendiyên Îraq û Almanyayê ne tenê di qada leşkerî de bimînin û berfirehtir bibin.

Hat Hewlêrê

Wezîrê Parastinê yê Almanyayê Boris Pistorius îro hat Hewlêrê û bi Serokê Herêma Kurdistanê Nêçîrvan Barzanî re civiya.

Divê were gotin ku 500 leşkerên Almanyayê li Îraq û Herêma Kurdistanê ne û Almanya di têkoşîna bi DAIŞê re xwediyê roleke girîng e.

Almanya di mijara reformên Pêşmergeyan û yekkirina hêzên Pêşmergeyan de jî xwedîrol e.

Almanyayê dema şerê DAIŞê li Hewlêrê ji bo Pêşmergeyan nexweşxaneyek ava kir û da ku Pêşmergeyên birîndar werin dermankirin.

Her wiha hinek çekên giran jî dan Pêşmergeyan da ku di şerê DAIŞê de bi kar bînin.

Wezîrê Parastinê yê Almanyayê Boris Pistorius hat Hewlêrê û ji aliyê Serokê Herêma Kurdistanê Nêçîrvan Barzanî ve hat pêşwazîkirin

#NêçîrvanBarzanî #BorisPistorius pic.twitter.com/Jj2nkKU3gM

— RudawKurdi (@RudawKurdi) December 12, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger