Hewlêr (Rûdaw) – Li navçeya Silopiyayê ya parêzgeha Şirnexê ya Bakurê Kurdistanê, li ser rêya li quntarê Çiyayê Cûdiyê teqîn çêbû û kuştî û birîndar hene.
Li gorî agahiyên li navçeya de Silopiyayê li ser rêya li quntarê Çiyayê Cûdiyê dema mînîbûseke rewiyan û otomobîlek dema derbas dibe teqîn çêdibe.
Çavkaniyên xwecihî ji Rûdawê re diyar kirin ku teqîn li nêzîkî Gundî Giteyê çêbûye û ew der devereke sînorî ye.
Li ser agahdarkirinê tîmên tenduristiyê û cendirme çûn cihê bûyerê.
Tîmên tenduristiyê kesên birîndar piştî midaxileya ewil veguhastin Nexweşxaneya Dewletê ya Silopiyayê.
Wezîrê Karên Navxwe yê Tirkiyeyê Alî Yerlîkaya jî li ser hesabê xwe Xê derbarê bûyerê daxuyanî da.
Alî Yerlîkaya diyar kir ku îro li herêma Siyahkayayêdema mînîbûsa servîsê ya dezgeha madenê li ser rê derbas dibû teqînek çêbû.
Yerlîkaya da zanîn ku di êrişî de kesekî canê xwe ji dest daye û 8 kes jî birîndar bûne.
Yerlîkaya got hêzên ewlehiyê çûn cihê bûyerê û wiha dewam kir:
"Di teqînê da welatiyekî me mir û 2 jê giran, 8 welatiyên me jî birîndar bûn.
Welatiyên me yên birîndar li Nexweşxaneya Dewletê ya Silopiyê tên dermankirin.
Di encama lêkolînên destpêkê yên ku me bi Wezareta me ya Parastinê re kirin de hat tesbîtkirin ku êriş ji bakurê Îraqê (Başûrê Kurdistanê) ve hatiye kirin û ji ber dijminatiya derbarê kana komirê ya li herêmê tê xebitandin pêk hatiye.
Li cihê bûyerê tedbîrên ewlehiyê yên pêwîst hatin girtin û lêkolîna berfireh berdewam dike.”
“Êriş bi roketan bûye”
Li aliyê din, Şaredarê Silopiyayê Nadîr Tosun jî ragihand ku êriş bi roketê bûye û kesekî canê xwe ji dest daye û 6 kes jî birîndar in.
Bi gotina Nadîr Tosun jî rewşa 2 birîndaran jî xedar e.
Li navçeya Silopiyayê ya parêzgeha Şirnexê li ser rêya quntarê Çiyayê Cûdiyê teqîn çêbû
— RudawKurdi (@RudawKurdi) August 12, 2024
Hat ragihandin ku birîndar hene û gelek ambûlans çûne cihê bûyerê pic.twitter.com/MbxGslGYKY
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse