Hewlêr (Rûdaw) - Li parêzgeha Rihayê ya Bakurê Kurdistanê li avahiya ku lê dixebitî pirîket bi ser serê zarokekî karker ê 15 salî de ket û wî canê xwe ji dest da.
Bûyerê li Taxa Eyyubiyeyê ya Rihayê li avahiyeke ku dihat çêkirin rû daye û navê wî zarokî Abdullah Çevîk e.
Li ser agahdarkirinê tîmên tenduristiyê çûn cihê bûyerê û wan Abdullah Çevîk bir Nexweşxaneya Lêkolîn û Perwerdeyê ya Rihayê.
Lê tevî hemû midexaleyan Abdullah Çevîk li nexweşxaneyê canê xwe ji dest da.
Hatiye ragihandin ku li ser bûyerê de lêpirsîn hatiye destpêkirin.
Encûmena Ewlehiya Kar û Tenduristiya Karkeran (ISIG) ragihandibû ku nîsanê li Tirkiye û Bakurê Kurdistanê herî kêm 163 karkeran li ser kar canê xwe ji dest daye û ku 5 ji wan zarok in.
Di 4 mehên destpêkê yên îsal de jî herî kêm 597 karkeran li ser kar canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse