Hewlêr (Rûdaw) - Hevserokê Şaredariya Bajarê Mezin a Wanê Abdullah Zeydanê ku li şûna wê qeyûm hatiye dayîn diyar kir ku qeyûm yek bi yek projeyên ji bo xizmeta xelkê betal dike û girîngiyê nade ewlehiya bajêr.
Endamên Meclisa Şaredariya Bajarê Mezin a Wanê yên DEM Partiyê îro bi beşdarbûna hevserokên şaredariyê ku li şûna wan qeyûm hatiye danîn bi rojeva "pratîkên qeyûm" civiyan.
Hevserokê Şaredariya Bajarê Mezin a Wanê Abdullah Zeydan amaje bi wê yekê da ku qeyûm projeyên ji bo xizmeta xelkê Wanê betal dike û ew dê vê yekê bişopînin û nerazîbûna xwe nîşan bidin.
Zeydan wiha got:
“Mixabin wekî hûn dizanin, yek ji karên pêşî yên qeyûm betalkirina van protokolan bû.
Di heman demê de qeyûm îhaleyên nûkirina xetên ava vexwarinê û kanalizasyonê, yan jî jinûveavakirina wan ên nêzîkî 60 gundî yek bi yek betal kirin.
Qeyûm kiryarên xwe yên pêşkêşkirina çavkaniyên xelkê ji saziyên din û ji alîgirên xwe re didomîne."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse