Hewlêr (Rûdaw) - Li Colemêrg a Bakurê Kurdistanê ji ber baranê wesayîta zirxî ya leşkerî wergeriya û 3 leşker birîndar bûn.
Qeza di derdora demjimêr 14.00an de li nêzî gundê Dêz ê di 20emîn kîlometreya rêya Colemêrg-Wanê de pêk hat.
Wesayîta zirxî ya ku leşker tê de bûn, ji ber baranê şemitî û wergeriya.
Li gor nûçeya DHAyê di qezaya li ser rêya Colemêrg-Wanê de 3 leşker birîndar bûne.
Li ser agahiya kesên derdorê tîmên tenduristiyê û hêzên ewlehiyê ji bo cihê bûyerê hatin şandin.
Leşkerên birîndar piştî dermankirina tîmên tenduristiyê ji bo Nexweşxaneya Dewletê ya Colemêrgê hatin birin.
Ji ber qezayê rêya Colemêrg-Wanê ji bo demekê hat girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse