Hewlêr (Rûdaw) - Cîgirê Serokê Giştî yê HUDA PARê Serkan Ramanli bang li xwendekarên Kurd kir ku di dersa "Zarava û Zimanên Zindî" de zimanê dayikê hilbijêrin. Ramanli ji rêveberiyên dibistanan jî xwest ku di vê mijarê de hestiyar bin û mamosteyan li gorî tercîha xwendekar û dêûbavan damezirînin bikin.
Cîgirê Serokê Giştî yê HUDA PARê û berdevkê partiyê Serkan Ramanli Serkan Ramanli di civîna xwe ya nirxandinê ya rojevê de bal kişand ser dersên bijarte yên Kurdî.
Ramanli bi bîr xist ku salnameya dersa hilbijartî ku li dibistanên navîn ên girêdayî Wezareta Perwerdehiya Tirkiyeyê ji 2yê Çileyê pê vê dest pê kiribû, dê di 20ê Çileyê de bi dawî bibe û dibêje “Dê xwendekar û dêûbav di navbera van deman de bikaribin dersên bijarte hilbijêrin. Lê dema em li pratîka heta niha dinêrin, tê dîtin ku ev hilbijartin bi piranî ji xwendekar û dêûbavan re nayê hiştin. Rêvebirên dibistanan diyar dikin ku ji bo gelek dersên hilbijartî mamoste tune û xwendekar û dêûbav ji dersên ku ew hildibijêrin jê vegerînin. Divê xwendekar û dêûbavên me di vê mijarê de hesas bin û hilbijartinê ji rêvebirên dibistanê re nehêlin. Divê rêveberiya dibistanê li gorî tercîha xwendekaran mamosteyekî peyda bike.”
Ramanli got jî “Divê xwendekar bi taybetî di dersa `Zarava û Zimanên Zindî` de zimanê xwe yê zikmakî tercîh bikin. Divê rêveberiyên dibistanan di vê mijarê de hestiyar bin û mamosteyan li gorî tercîhên xwendekar û dêûbavan damezirînin. Divê hikûmet bi têra xwe mamosteyan ji bo dersên bijarte yên bijarte tayîn bike, û xwendekar neçar neke ku tercîhên ku ew naxwazin bikin. Ji bo çareseriya dawî ya pirsgirêkê divê hemû astengiyên li pêşiya perwerdehiya bi zimanê zikmakî bên rakirin û ev daxwaza mafdar bê derengmayîn pêk were.”
Cîgirê Serokê Giştî yê HUDA PARê Ramanli axavtina xwe wiha berdewam kir “Li welatekî Misilman ji wê yekê wêdetir tiştekî bêwate nîne ku dersên ku nirxên olî didin, bi qasî dersên mûzîk û wênesaziyê girîng nayên dîtin û divê bijartî bin. Divê Kursên Quranê, Jiyana Pêxember û Zanînên Olî yên Bingehîn mecbûrî bin. Divê xwendekarên ku dêûbavên wan naxwazin van qursan bistînin ji wan dersan muaf bin.”
Dersên bijarte di pola 4emîn a dibistanên seretayî û polên 5, 6 û 7emîn ên dibistanên navîn ên girêdayî Wezareta Perwerdehiyê ya Tirkiyeyê da tên hilbijartin.
Di çarçoveya Ziman û Zaravayên Zindî (polên 5, 6, 7 û 8) de zaravayên Kurmancî û Zazakî yên Kurdî di nav dersên hilbijartî de ne.
Li dibistanan xebatên hilbijartinê yên dersên bijarte yên sala perwerdeyê ya 2023-2024an dê heta 20ê Çileyê dewam bike.
Divê herî kêm 10 xwendekar serlêdan bikin da ku polek ji bo dersên bijartî vekin. Di sala xwendinê de hejmara xwendekaran kêm bibe jî, xwendina dersê berdewam dike.
Niha li seranserê Tirkiyê tenê 79 mamosteyên kurdî dersê didin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse